Na khuf-e-Barq na khauf-e-sharar lage hay mujhe.
khud apne baagh k phoolon se dar lage hay mujhe.
ajeeb dard kaa rishtaa hay saari duniyaa main.
kaheen ho jalta makaan apna ghar lage hay mujhe.
main eik jaam hon kis kis ke hount tak phunchoon.
Ghaz'zab ki piyaas liye har bashar lagey hay mujhe.
Taraash letaa hoon uss sey bhi Aayinaa ' Manzoor '
Kissi Key Haath Kaa Pat'thar Agar lagey hay mujhe.
No comments:
Post a Comment