Had-e-inteha se bohat aage tumhen chaha hai,

Had-e-inteha se bohat aage

tumhen chaha hai,

Hum ne wafa se bohat aage

tumhen chaha hai,

Jahan se lout aane ka rasta nahi

milta,Us raah se bohat aage tumhen

chaha hai

Un se kaho jin ki nigah mein

Mohabat gunah-e-azeem hai,

Hum ne gunah se bohat aage

tumhen chaha hai,

Mohabaton mein harf-ba-harf

mujhe mangna nahi ata,

Main ne aadab-e-dua se bohat

aage tumhen chaha hai.

Abhi waqt hai abhi saans hai abhi loat aa Mere GUMSHUDA.

Abhi waqt hai abhi saans hai abhi loat aa 

Mere GUMSHUDA.

Mujhay naaz hai barey zabt ka mujhay khoob rula 

Mere GUMSHUDA..

Ye nahi k tere firaaq mein main ujar gaya ya bikhar gaya.

Han! muhabbaton pe jo maan tha wo nahi raha

Mere GUMSHUDA..

Mujhay ilam hai k tu chand hai kisi aur ka magr aik pal.

Merey Aasman-e-Hayat pe zara jagmaga

Mere GUMSHUDA..

Tere iltfaat ki barishein jo meri nahi to bata mujhay.

Tere Dasht-e-Chah mein kis liye mera Dil jala

Mere GUMSHUDA..

Ghaney janglon mein ghira hon main bara ghup andhera hai char soo.

Koi ik chiragh to jal uthay zara muskara,

Mere GUMSHUDA..