Mere Dard Ki Ab-o-Taab Mein Mujhe Dekhna
Kisi Waqat Shaam Malaal Mein Mujhe Sochna
Kabhi Apne Dil Ki Kitaab Mein Mujhe Dekhna
Kisi Dhun Mein Tum Bhi Jo Bastiyo'n Ko Tyag Do
Isi Raah-e-Khaana Kharaab Mein Mujhe Dekhna
Kisi Raat Maah-o-Najoom Se Mujhe Poochna
Kabhi Apni Chasham Puraab Mein Mujhe Dekhna
Essi Dil Se Ho Kar Guzar Gaye Kai Karavaan
Ki Hijratoo'n K Zaib Mein Mujhe Dekhna
Main Na Mil Sakoo'n Bhi To Kiya Huwa K Fasaana Hoon
Nai Dastaan Naye Baab Mein Mujhe Dekhna
Mere Khare Khare Sawaal Mein Mujhe Dhoondna
Mere Geet Mein Mere Khuwaab Mein Mujhe Dekhna
Mere Aansuo'n Ne Bujhai Thi Meri Tashnagi
Essi Bargzida Sahaab Mein Mujhe Dekhna
Wohi Ik Lamha Deed Tha K Ruka Raha
Mere Roz-o-Shab K Hisaab Mein Mujhe Dekhna
Jo Tarrap Tujhe Kisi Aaine Mein Na Mil Sakey
To Phir Aaine K Jawaab Mein Mujhe Dekhna..
No comments:
Post a Comment