Apne Uljhe Huwy Din Raat Bhi Suljha Na Sake
Itney Befaiz Hain Khud Apney Hi
Kaam Aa Na Sake
Saaya e Zeest Ko Dhaltey Huwey Daikha Lekin
Taptey Sehra Pay Koi Naqsh e Khushi Pa Na Sake
Dil Bhi Machla Tha Nigahein Bhi Palat Jaati Theen
Un Ki Dehleez Pay Lekin Ye Qadam Jaa Na Sake
Dil Ki Taskheer Hi Darasal Fatah Mandi Hai
Un Ko Paa Kar Bhi Magar Hum Unhein Apna Na Sake
Daastan Kehne Ki Kuch Waqt Ne Mohlat Hi Na Di
Lab Kusha Ho Na Sake Dil Unhein Dilkhla Na Sake
Khilti Kaliyon K Tabasum Ki Haqeeqat Kya Hai
Bikhre Phoolon Se Jo Poocha Tu Woh Samjha Na Sake
No comments:
Post a Comment