Aahat Jo Suni Wasl Ki Mainey, To Ye Samjha

Kashkol Mairi Zeest Ka Haathon Mein Diya Hai

Ye Bhi Mairey Maabood Ka Andaaz-e-Ataa Hai

Aahat Jo Suni Wasl Ki Mainey, To Ye Samjha

Yaadon Ke Dareechey Mein Koi Aan Kharra Hai

Be-noor Huwa Aaj Mairi Shaam Ka Chehra

Shayad Ke Pas-e-Parda-e-Shab Koi Kharra Hai

Ekk Weham Hai Mairey Liye Taaron Ke Jazeerey

Ekk Dhool Mairey Saamney Manzil Ka Pata Hai

Kya Jaaniye Gum Karda Woh Kya Dhoond Raha Hai

Har Shakhs Ke Chehrey Ko Jo Woh Parrhta Raha hai

Jiss Shehar Ko Chorra Tha Woh Ye Shehar Nahin Hai

Khwabon Ka Woh Mosam Na Khayaalon Ki Fiza Hai

Har Roz Badalta Hai Kayi Rang Jo Chehra

Maloom Nahin Kiss Ke Ye Chehray Ki Adaa Hai !

Hum Ne Barrhaya Haath Ussey Apnaa Jaan Kar

Kuch Iss Tarah Say Aaj Sataaya Gaya Mujhey

Maira Shikashta Dil Hi Dikhaaya Gaya Mujhey

Daikha Gaya Na Zabt Mairi Aankh Ka Kabhi

Zulm-o-Sitam Say Aaj Rulaaya Gaya Mujhey

Dil Tor Kar Maira Bhari Mehfil Ke Saamney

Rasn-e-Duniya Hai Ye, Bataaya Gaya Mujhey

Hum Ne Barrhaya Haath Ussey Apnaa Jaan Kar

Gairon Ko Apna Keh Ke, Jalaaya Gaya Mujhey

Jab Doobney Lage Thay Kinaarey Ke Paas Hum

To Door Say Safeena, Dikhaaya Gaya Mujhey !

Hum Baargah-e-Ishq Mein Maqbool Yoon Huway

Khush Thay Kuch Aisey Teri Rafaaqat Ke Shoq Mein

Manzil Ganwa Di Hum Ne Musaafat Ke Shoq Mein

Nafrat Hi Pehrey Daar Mili Har Makaam Par

Jiss Dar Pey Hum Gaey Hain Muhabbat Ke Shoq Mein

Hum Baargah-e-Ishq Mein Maqbool Yoon Huway

Khud Say Bicharr Gaey Teri Qurbat Ke Shoq Mein

Lotey Hain Abb To Saath Hai Ranj-o-Aalam Ki Bheerrh

Nikley Thay Ghar Say Ikk Musarrat Ke Shoq Mein

Apney Chaman Say Raabta Bilkul Nahin Raha

Sehra Noraad Ho Gaey Dolat Ke Shoq Mein

Daaman Mein Hasraton Ke Siwa Kuch Nahin

Aisey Lutey Hain Hum Teri Chahat Ke Shoq Mein !

Hum Ko Maloom Tha Anjaam-e-Muhabbat Hum Ne

Uss Ne Awaara Mizaaji Ko Naya Morr Diya 

Paa Ba Zanjeer Kiya Aur Mujhey Chorr Diya 

Uss Ne Aanchal Say Nikaali Mairi Ghamgashta Biyaaz 

Aur Chupkey Say Muhabbat Ka Waraq Morr Diya 

Jaaney Waley Ne Humeisha Ki Judaai Dey Kar 

Dil Ko Aankhon Mein Dharrakney Ke Liye Chorr Diya 

Hum Ko Maloom Tha Anjaam-e-Muhabbat Hum Ne 

Aakhri Harrf Say Pehley Hi Qalam Torr Diya .... !

Khailney Ke Waastey, Abb Dil Kisi Ka Chaahiye

Khailney Ke Waastey, Abb Dil Kisi Ka Chaahiye

Umr Aisi Hai Ke Tum Ko Ekk Khilona Chaahiye

Mujh Say Kahiye Haath Mein Mehndi Lagana Hai Agar

Khoon-e-Dil Doon Ya Ke Phir, Khoon-e-Tamana Chaahiye

Bazm Mein Aao Kisi Din Kar Ke Tum Solha Singaar

Ekk Qayaamat Waqt Say Pehley Bhi Aani Chaahiye

Tum Kaho To Mar Bhi Jaoon Main Magar Ekk Shart Hai

Bas Kafan Ke Waastey, Aanchal Tumhara Chaahiye

Kal Talak Tha Dil Zaroori Raah-e-Ulfat Mein "Muraad"

Aaj Ke Iss Dor Mein, Chaandi-o-Sona Chahiye !

Jo pehle din hi se dil ka kaha na karte ham

Jo pehle din hi se dil ka kaha na karte ham 

To ab ye logoN ki baatein suna na karte ham 

Agar na haath mein us dilruba k dil dete 

To dil pe haath sada dhar lia na karte ham 

Us aafat-e-dil o jaaN par agar na mar jaate 

To apne marne ki har dam dua na karte ham 

Na karte us ki, ba-rang-e-hina, jo paa-bosi 

To shakl-e-barg-e-hina yuN pisa na karte ham 

Agar na haNsna haNsaana kisi ka bhaa jaata 

To baat baat pe yuN ro dia na karte ham 

Agar na dekhte wo pyaari pyaari surat, aah! 

To eik eik k muNh ko taka na karte ham 

WO Laut Aane Ke Raaste Talash Karti Thi

Galli Main Dard Ke Purze Talash Karti Thi

Mere Khatoot ke Tukrre Talash Karti Thi 

Bholaye Kon Azeeat Pasandiyan Usski 

Khushi Ke Dhair Main Sadme Talash Karti Thi 

Ajab Hijr Parasti Thi Uski Fitrat Main 

Shajar Ke Toot-Te Patte Talash Karti Thi 

Qayam Karti Thi WO Mujh Main Soofiyon Ki Tarhan 

Udass Rooh Ke Goshay Talash Karti Thi 

Tamam Raat WO Parday Hata Ke Chand Ke Saath 

Jo Kho Gaye Thay WO Lamhe Talash Karti Thi 

Kuch Iss Liye Bhi Mere Ghar Se USS KO Thi Vehshat 

Yahan Bhi Apne Hi Payare Talash Karti Thi 

Ghuma Phira Ke Judai Ki Baat Karti Thi 

Hamesha Hijer Ke Harbe Talash Karti Thi 

Tamam Raat WO Zakhma Ke Apni Pooron KO 

Mere Wajood Ke Raaz Talash Karti Thi 

Duayen Karti Thi Ujrre Huway Mazaron Per 

Bari Ajeeb Sahare Talash Karti Thi 

Mujhe to Aaj Bataya Hai Badlon Ne ''Wasi" 

WO Laut Aane Ke Raaste Talash Karti Thi